.زي النهارده

زي النهارده كان بينا فرحه وبينا حب وشوق كبير
زي النهارده وقلوبنا ورده ولسه بتفتح في الربيع
واهو جيه النهارده وقصتنا ورده دبلت ووقعت في الخريف
وقلوبنا بارده فاكرينها ورده وقعت ودبلت قبل الاوان
احساسنا هادي وكأنه عادي ولا حتي شوفتك من زمان
مع اني عارفك فاهمك وحافظك صوتك وصورتك والكلام
احساس فظيع انسان يضيع كان حب فارق من زمان
احساس امان حب وحنان لا وكل ذكري لينا بمكان
ده مكانش حب احساس برعب من صورة وقعت بعد اللي كان
وقعت خلاص ....تاهت ياناس ...احساسي عادي وكأنه ماضي راح والسلام :) زي النهارده Hossam Moghazy

هنساكي new release

     وراح اسيبك وهنساكي.. خلاص البعد قواني.. حبيبتي انا قلبي مش ليكي..


                                       خلاص هنساكي في ثواني
دموع عيني بكت ليكي ...وقلبي ده كان مناه عنيكي ..وجيتي عليه في ثواني

                                         طب انسي انك عرفتيني

           وكل كلمه في كلامي ...وحتي كل ايامك ..خلاص مبقتش احلامي

                                            ومبقتش باقي عليكي

                                              ولو شوفتك لو يوم...

               هسلم ايوة واتكلم      خلاص قلبي انا اتعلم وكانت مره حبيتك
   
                                            ﻻ انسي اني ارجعلك

        هتحكيلي علي الماضي... هقولك كان كلام فاضي ..وعمرك يوم ما حبيتي

                                       كانت صدفه خلاص عدت

وهتقولي علي الاشواق... وراح اقولك فراق بفراق ..نهايتك هيه دي معايا
                                       مفيش ليكي كلام تااااااااني :)

كل يوم عدي عليا ...وانتي مش قدام عنيا .. نسيت فيه  كل اللي عيشته
                                            ونسيت خلاص حبك

واهو اتعودت علي النسيان ...مبقاش في حياتي ليكي مكان وشوفت حياتي من تاني

نسيت اه كل احزاني                                             وعشت حياتي من تاااااني 


                                                 " حسام مغازي "
                                           

مش ﻻزم تتكلم

وكأنك مش ﻻزم تتكلم وكأنك لسه بتتعلم وﻻ بيكون مسموح بجروح ونبوح وزعيق وبأعلي صوت تتألم
ومهما كنت ومهما عشت وشوفت كتير ﻻزم ميبانش عليك تأثير وبتضحك وتقول تغيير والواقع عايش في التخدير وهرجع واقولك كأنك مش ﻻزم تتكلم ويتقال عليك معلم طيب بص
هقولك كلام علام يخلي مودك تمام احساسك دلوقت ايه هتقولي عايش بيه وﻻ عايش في زمان ابصر ايه مبتتقاسش بكام وبفين دي معايرها اكتر من حاجتين واقوي مافيها الاحساس
ده ساعات بيخلي الناس تتغير تتحير وكمان تستهتر بمواقف وكلام وسلام والله ده حتي ده مش اسلام وارجع واقولك وكأنك مش ﻻزم تتكلم اصبر واسمع واتعلم :) ده حياتنا وان كانت
ايام وشهور وساعات ودقايق كله بيبان وبتظهر حقايق ومع الوقت بنشوف وياما هنتعلم وﻻ اي يامعلم "Hossam Moghazy "

هيه وهوه

هيه وهوه في كلام من جوه عايشين لسه في ذكري بتنسا... كل كلامهم وفي احلامهم كل مشاعر حلوة لبكره... بينسو كتير لمجرد فكره النسيان ده مجرد نعمه بس ده لو كان فعلا عايز ينسي ...تفوت ايام وشهور وليالي ترجع  تسأل ايه كان مالي وليه انا توهت في وسط الزحمه علشان بس مجرد فكره من ناس كانو كتير حواليها طب علي اي اساس اتفاهمو وكمان علي اي اساس تنهيها... توهت انافيها ...ومش راح افكر تاني الاقيها مهو اصل حقيقه ان المعني في حالته بيعني... افكار عاشو كتير لياليها .. وليه تروح ليها... مخلاص كبرت يوم مسافات كانت يومها اقربلك فيها ليه تستني تتعب تتمني مخلاص ماتت فكره لجنه... والايام مبتستناش عيش بقه جامد ومتنساش ان الدرس انت اتعلمته خليك قادر ومتقساش... سيبها لحالها وانت في حالك حتي ولو رجعت بتقول مالك  هيه خلاص مبقاش ليقالك ...ليه تتهالك وتعيش بس بمجرد فاكره عايشه في بالك ...طب مالوقت خلاص اهو ولي وايام احلي اكيد جيالك ...

حسام مغازي

مش مستاهله

ساعات بشوف حاجات مش مستاهله ..حكايات ...ﻻ نقول وﻻ نعيد في كلام ومواعيد وحاجات كتير شايفنها عايشنها حاسنها واهو ناس مش فارقه معاهم وﻻ ناس بايديهم حاجه وﻻ اقولك دي مش محتاجه علي ايه نزعل ونثور ونتعب وندور بنشوف ناس عايشين الدور , الدور كان محروق ومكانش شكله زوق والانسحاب كان بالزوق مهو طبيعي وبديهي وبشكل مش طبيعي نفكر زي بعض دي حتي متبقاش ارض دي تبقي جنه ده كتير بنتمني نحلم ونضحك نفرح ونلعب  وساعات يوقفنا زمانا ويطير حلمنا ضحكنا لعبنا حتي كل حاجه في نفسنا وارجع واقول مش مستاهله ... مش مستاهله نقول تفكير نقعد ونحكي في كلام وتحاوير وﻻ حتي نضيع وقت في ماضي عدي وفات مالحياه بين فرح واهات واهي كلها حكايات ... ايام وبنعشها وبنقول اننا عايشين ساعات نفرح نضحك نزعل نحزن واهو بردو ايام بتعدي مش احلام وان كان الحلم طار فاكيد لحلمك مطار هيرسي فيه ويلاقيه وترتاح فيه وبردو هرجع واقول مش مستاهله ... مش منطق وﻻ هنطق وﻻ احطلك منطق مالساني كان بينطق بيقول عنواني ومكاني وزماني ويخليني استغرب في ناس من عالم تاني عايشه في الخيال وكلامهم كان اقوال ... ناس بتتحكم في الكلام وعملاله لجام والله ده كان اغرب كلام وارجع واقولك مش مستاهله ....طب تصدق  ﻻ  مستاهله  مستاهله انك تتعلم وتشوف وتتكلم مهو اللي يعيش ياما يشوف في كلام كتير يتقال يتحكي في مليون موال وانا مهما هقول وهعيد هقول مش مستاهله نقول ونزيد مخلاص كلامي ملخص المفيد " مش مستاهله "

حسام مغازي

لحظه تأمل

استيقظت في وقت متأخر والجو شديد البروده  وجلست خلف الشباك انظر من خلف الزجاج الي المطر حيث تتساقط قطراته من السماء ومعي كوب دافئ من الشاي ما وان سافرت بخيالي في كثرا من الامور المتعلقه بالحياه وقد تري نفسك تشاهدها من الاعلي فقد تستطيع مشاهده نفسك وتنظر لطبيعه الاحوال من حولك وكأنك خرجت بنفسك من نفسك واصبحت شخص اخر ينظر الي نفسه من بعيد فقد تري امورا متداخله مع بعضها واحيانا تنتقد نفسك في بعض المواقف او تجد حلولا لمشاكل قد ﻻ تجد لها حلا في اوقاتك العاديه فما اروع ان تنظر للمطر اثناء نزوله وقد تتأمل في قدره الله علي نزول المطر وخلقك كما تري نفسك تفكر تتكلم تشعر تحب وتكره فقد يزيد ذلك من ايمانك بان الله قد انعم عليك بنعم عديده وقد تكون تلك اللحظات بمثابه مصالحه علي النفس فقد تقوم بعد السلبيات وتحولها ﻻيجابيات من هذا المنطلق قد يعطيك حافزا لتحيا كما تشاء وتطلق العنان لاحلامك لكي تنفذ وهي تلك الروح الايجابيه التي قد تفتقدها من كثره الضغط النفسي من بين عمل وارتباطات اخري ما قد يجعلك في دوامه ﻻ تنتهي وقد يجعلك هذا تخرج بتفكيرك لعالم افتراضي ﻻ يوجد فيه سواك ما يجعلك تشعر بارتياح وهدوء وقد تفكر ايضا بشخص قد تروي له ما يدور في ذهنك من افكار وتطلق العنان لكل ما بداخلك من افكار معه ما اروع الاحساس بالراحه في ظل انعدام القلق والتوتر والتأمل في ما حدث وما سوف او ما يجب عمله في حياتك بشكل عام وعندما يتوقف المطر عن التساقط ما ان تنظر للسماء وتتأملها قد تجد مايدور في ذهنك ذكريات عن ماضي جميل قد عشته ومواقف قد تكون نقطه تغيير في حياتك او تري احلاما جميله قد  تحققت في خيالك وتري من يكمل معك تلك الحياه انها حقا نظره كامله لحياه مثاليه ﻻ تشوبها القلق فعليا ما ان صدق الانسان حلما فيدركه فيخزن بعقله الباطن مما يجعله اشد واكثر اصرار عن ما مضي من عمره فيتجاهل ما مضي وتبدء من جديد كالطالب المخطئ الذي يمسح اخطائه بأستيكه وكالمخطئ الذي يستغفر ويتوب عليه الله ويبدأ من جديد فقط عش واحلم بأمل متجدد وﻻ تيأس فتفقد الحلم وحينها ستترك الحياه وتلك هيه اللخظه التي قد تجعلك انسان مختلف تماما عن ما كنت في ما مضي وتلك هيه لحظه التأمل التي قد تمر بحياتنا في اوقات قليله وليس كثيره فما اروع خلق الله الذي خلقنا هكذا نفكر ونبدع ونقرر ونخطط
اتمني ان الكلام يكون كويس
حسام مغازي

يادنيا مالك ومالي

مالك يا دنيا ومالي منا كنت عايش في حالي عايش فيكي وراضي وﻻ عامل فيها قاضي وﻻ بظلم وﻻ بتكلم طب ليه نتظلم نتألم وليه يكون بينا ظالم ويعيش ما يتألم وﻻ عشان مش بنتكلم ... كل يوم مابينا واحد قادر فاجر قاتل كاسر سارق ... سارق حلمنا واخد وقتنا فاجر في قراره وﻻ حد يلمه مهو اصل مبقاش حد يهمه وكلامي مش علي حد بعينه لكن لكل واحد مد ايده علي شئ مش بتاعه وعشان مفيش حد يقوله ليه بقه عامل فيها بيه اه يا بلد يا بنت الايه ... في حاجات كتير تستاهل النقض مبقاش واضح فيها الضحك من الجد وﻻ حتي حالتك تبقي ايه فرحان حزين تعبان يابيه وﻻ اقولك علي ايه مالك يادنيا ومالي ... بيشد انتباهي حاجات في كلام عن انتخابات ومواصلات وحركات وكلام كتير مالوش داعي طيب هو ايه اللي بقه مش داعي لاي شئ يحصل ... ومالك يادنيا ومالي ... بشوف مدير عايش امير تحتيه فريق عايش غريق وكمان مدير تعب كتير وعمل كتير ملقاش تغيير يقاوم يثور ويشوفله دور ...ونرجع نلوم في لمين يدوم كرسي عالي مفيش لصاحبه لزوم ... ولمين يدوم ظالم فاسد كبر وسيطر ومبقاش يهمه القيوم .... ومالك يادنيا ومالي منا كنت عايش في حالي عايش وﻻ بشكي همي عايش وانا كل همي اعيش مرتاح في سلام مالك يادنيا ومالي


حسام مغازي