كله كلام

من كتر الفراغ الناس مبقاش وراها غير الكلام ده بيعمل وده بيسوي يعني الواحد لو خلي كل واحد في نفسه وركز في حياته فعلا الدنيا هتبقي احسن مش فاهم الناس بتستفيد ايه لما يعرف ان فلان بيعمل او عمل او بيسوي شئ معين وياه لو اللي عمله ده شئ كويس يبتدي بقه اللي يتقرب منه ويهرجويتكلم والاصل اصلا تلقيه من جواه مش طايقه وده اللي احنا بنعيش فيه كله ضارب الوش البلاستيك للي قدامه الوش البلاستيك علي حسب الظروف لو عايزة يضحك يضحكه لو عايزة يكشر يخليه يكشر بس من الواضح ان كل اللي حواليك بيتكلمو وكله كلام. كلام ينفع او يضر مش مهم بس المهم اننا نتسلي يعني غريبه بقه طبع الناس تتسلي بسير وكلام عن ناس تانيه بدون داعي وبداعي رغم ان ممكن ميكونش فيها اي افاده في اي شئوالغريب في الكلام ده كله انك تلاقي احوال الناس متغيره يعني متعرفش ان كان اللي بيكلمك بجد ولا رياق والله مبقتش تفرق بس عامه الكلام ده كله مبيوصلناش الا لكلام وان احنا شعب الكلام وعايشين بمبدأ الصيت ولا الغنا اللي هو صيتني عشان اظبطك وظبطني عشان اصيتك والله كلام في التنجانبس رأيي في الاخر اللي يمشي ورا كلام الناس بيتداس فالصح طالما الواحد شايف طريقه صح وشايف تصرفاته صح يفكو بس ميمنعش انه يسمع النصيحه
وميكومنتش ولا بحلو ولا بوحش لان فيه ناس بتحفظ ردود الافعال وتنقلها وتعمل قصه وبردو نرجع للكلام مش فاهم لحد امته هنبقي بوشين ولحد امته هنفضل نعيش في حوارات وكلام وبس امته نساعد بعض بجد ونتكلم بصراحه بدون وش بلاستيك وبدون تحوير يالا قالوها زمان بلد الكلام وكلامي ده مش كلام ده حاجات بنشوفها وهنشوفها كل يوم في شغلك في الشارع مع اصحابك زمايلك في كل وقت وكل مكان هتشوفها فايتري هنفضل كده لحد امته بجد
بقت حياه ممله وكلهت رغي علي الفاضي